Djúpslökun í töfrandi náttúru: Jóga Nidra í Hellisgerði

🌿 Djúpslökun í töfrandi náttúru: Jóga Nidra í Hellisgerði 🌿

Gefðu þér stund til að hægja á, anda og tengjast sjálfu þér í hjarta Hafnarfjarðar. Í samstarfi við Heilsubæinn Hafnarfjörð býður Hugur í hjarta ásamt Kristjönu Jokumsen þér að eiga dásamlega stund þar sem töfrar Hellisgerðis og djúpslökun Jóga Nidra renna saman í eitt.

Hellisgerði, með sínum hraunmyndunum, lágvaxna gróðri og leyndardómsfulla andrúmslofti, veitir fullkomið umhverfi til að sleppa tökunum á hversdagsleikanum og finna innri frið.

🧘 Hvað er Jóga Nidra?

Jóga Nidra, oft kallað „andlegur svefn“, er aðferð slökunar þar sem legið er í algjörri kyrrð á meðan leiðbeint er í gegnum djúpa hugleiðslu. markmiðið er að koma líkamanum í draumkennt ástand milli svefns og vöku.  Rannsóknir sýna að 30-45 mínútna jóga nidra iðkun jafnist á við þriggja klukkustunda svefn fyrir heila og líkama. Slökunin setur líkamann í heilandi ástand þannig frumur, taugar, bandvefur, vöðva fá tækifæri til að endurnýjast og laga sig á náttúrulegan hátt.

Upphaflega var jóga nidra iðkað í úti í tengingu við náttúruna. Þar var leitast við að koma inn í núið og líkamann með hjálp náttúrutengingar í gegnum skynjun líkamans. Með þessum viðburðum er leitað í upprunan þar sem við hægjum á í hröðu samfélagi, gefum okkur tíma til að tengjast aftur og finna fyrir náttúrunni í gegnum skynjun líkamans.

Engin þörf er á fyrri reynslu – allir geta tekið þátt.

 

📝 Hagnýtar upplýsingar

Lautin, graslaut sem er aftast í Hellisgerði, nær Skúlaskeiði.

6.júní

13.júní 

20.júní

27.júní

⌛kl.14-15

💸Ókeypis

*ATH tímasetningar geta breyst og eru settar fram með fyrirvara um verðurskilyrði

🎒 Hvað þarf að taka með?

Þar sem viðburðurinn fer fram utandyra í faðmi náttúrunnar er mikilvægt að klæða sig vel og tryggja þægindi:

• Jógamottu eða undirlag til að liggja á.

• Gott teppi (eða jafnvel svefnpoka) og kodda/púða.

• Klæðnað eftir veðri: Hlý föt, jafnvel ullarföt, húfu og vettlinga – líkaminn kólnar hratt þegar hann slakar á, þó það sé sumar.

• (Valfrjálst) Augnhvílu eða slæðu til að setja yfir augun.

Athugið: Ef veðurguðirnir eru ekki með okkur í liði munum við fresta viðburðinum] og verður það tilkynnt með góðum fyrirvara.

Komdu og leyfðu kyrrðinni í hrauninu að umvefja þig. Hlökkum til að njóta stundarinnar með þér!